لازم بكره نقف جانب تامر على قناه الجرس

بكرة يوم مشهود لينا كلنا ادام العالم كلة وعلى الهوا يا تيمورية
بكرة على قناة الجرس اللبنانية هيكون فية مناظرة بين
محبى تامر حسنى ومحبى عمرو دياب
هيكون ممثل لينا فيها ...وسيم سفير الرابطة فى لبنان
هنتكلم فيها عن كل حاجة تخص تامر حسنى
هنكدب اشاعات ..ونقول حقايق ..ونقول اخبار حصرية
كلنا عارفين ان تامر ماينفعش يكون موجود فى برنامج على الهوا
لحد ما برنامج ميلودى ينزل والناس تشوفة
ولحد ما دة يحصل
..كلنا مكانك ياتامر ..كلنا موجودين وكلنا معاك
كل كلمة مستك او ضايقتك او اى حاجة انت عايز تقولها
كلنا معاك وهنقولها بلسانك

الموقف بكرة حساس اوى ياجماعة ...وسيم ممثل عن اكبر فنان فى مصر
وهيكون فى ناس تانية ممثلة عن عمرو دياب
كل واحد هيتكلم عن فنانة المفضل ويقول مميزاتة وكل حاجة يعرفها عنة
ماينفعش نسيب وسيم لوحدة..لازم كلنا نبقى معاة

من كل حتة فى العالم ..نداء عالمى ...كل واحد عايز يقول كلمة حلوة فى حق تامر
كل واحد عايز يعبر عن حبة لتامر ويقول اللى جواة
كل واحد فينا عايز يدافع عن تامر
فرصتك جت ..على الهوا ...كلنا هنسمعك ..وفى مفاجاة كمان مش هاقول عليها دلوقتى
لو الحلقة طلعت كويسة ..المفاجاة هتكون موجودة فيديو هنا على السايت
ماتكسفوناش ياجماعة ..عايزين كلنا نبقى مع وسيم
موضوعات الحلقة هتدور عن تامر ودياب دة بشكل اساسى

مش مقارنة خالص ياجماعة ..دة مش موضوعنا ولا دى شغلتنا
بس الموضوع كلة الأشاعات اللى بتوقع بين النجمين
وكلنا هنشوف كل واحد هيدافع عن نجمة ازاى
زى ما قلت
وسيم هيكون ممثل عن تامر لافرز ورابطة تامر كلها
هيرد على انتقادات فانز عمرو وكلامهم عن تامر
زى ان تامر بيقلد عمرو فى اعمالة ..الهمر ...والحاجات دى كلها.
عايزين كلنا نكون مع وسيم ...بكرة مش حاجة سهلة خالص
وسيم لو وقع فى نقطة او معلومة ..كلنا نكون معاة ونلحقة ونرد على الدنيا كلها
علشان خاطر تامر ....بكرة تامر لافرز كلة هيكون اون لاين على قناة الجرس
كل واحد هيتكلم كلنا هنسمعة ..كلنا هنشوفة ..كلنا هنحس كلامة
مش عايزين حد يشوة صورة تامر ..مش عايزين نكون ضعاف
زى ماحنا اسود هنا فى الموقع وبنقدر ندافع عن تامر وبنتكلم عنة
بس هنا اكننا بنكلم بعض ..بنكلم
بس هنا اكننا بنكلم بعض ..بنكلم نفسنا
بكرة جاتلنا فرصة نعبر عن كل حاجة جوانا ادام الدنيا كلها

كل واحد فينا هيكون هو تامر حسنى اللى قاعد ادام المذيع وبيتكلم
البرنامج اسمة Fan Club على Jaras T.V
مقدم البرنامج عمرو زين الدين
والبرنامج هيكون الساعة 9 بليل بتوقيت مصر ولبنان
ارقام ال SmS اللى هنفضل نبعتها ونقول اسامينا فى الرابطة ونحيي تامر
ونحيي وسيم ونشجعة منها ونلفت النظر لينا


اقتباس:
9215 sms for egypt
9096 morroco
1415 lebanon
6229 ksa mobily

الحلقة دى هتتحط فى ارشيف تامر لافرز
هتتسجل على سى دى ...ويتلف فى هدية جميلة اوى
ويتبعت لتامر وعلية اسم كل واحد حاول يعمل حاجة لتامر فى الحلقة دة
سواء قدر يطلع على الهوا ..او وصل رسالة للناس SmS
هنفرح تامر بينا ....وهنقولة وراك رجالة بجد ياتامر
بعض الموضوعات اللى ممكن نتكلم فيها ياجماعة

تامر فنان شامل كامل ...مؤلف ..ملحن..مطرب..ممثل...
كاتب مش محتاج يقلد حد ولا عايز يكون حد غير تامر حسنى
-تامر مثال للنجاح والكفاح من الصفر للنجومية ..قصة حياة واسطورة عايشة بتتحرك ما بيننا ...
تامر زرع جوانا اسطورة النجم الأوحد...وماينفعش حد يتقارن بية
-مفيش غير تامر حسنى واحد بيتكلم باسمنا وبيعبر عننا وحاسس بينا
علاقتنا بتامر علاقة اخ باخواتة ..مش نجم بجمهورة ..وكل يوم بنتعلم منة حاجة جديدة ..
سواء فى فنة اللى بيقدمة او فى المواقف اللى بنعرفها حصلت فى حياتة الشخصية ..
من تواضع وحب الناس وكرم الأخلاق
- تامر قدوة لناس كتير منا ...حاطين صورتة ادامنا ودايما عايزين نوصلة ...
تامر عايز كل واحد فينا يكون احسن منة...انسان بسيط وجميل وموهوب ..
ربنا يحبب فيك خلقة كمان وكمان ياتامر


كل واحد يقدر ينقى اقرب حاجة لقلبة ويتكلم عنها باستفاضة ياجماعة
يبعت SmS ويقول لتامر ان الرابطة كلها وراة ..وتامر لافرز جيش بيدافع عن تامر وبيحبة
بكرة كل واحد فينا هيكون تامر حسنى ...ربنا معاك يا وسيم
ثقتنا فيك كبيرة اوى ..وعارفين انك تقدر تكون امين على تامر وعلى جمهور تامر
هتكون صورتنا ادام الدنيا كلها

وهنكون معاك يامعلم ..رسايل ومكالمات مش هتكون لوحدك
بكرة يوم كبير ياجماعة